Ada anak satu nama Martinus,
pas di sekolah ibu guru tanya : 4 x 4 = berapa??
Anak angkat jawab: "15!!!"
ibu guru bilang: "Bodok (bodoh) sama deng ko pu bapa saja.."
Anak tra terima baik to dapa bilang "Bodok"begitu.....,
pas dia pulang dia lapor di dia pu bapa :
"bapa masa ibu guru bilang sa bodok (bodoh)sama dengan bapa tu..."
Bah, pace juga tra terima baik, pace langsung ambil parang sabel, isi poro deng
wiro, jalan telanjang dada n seret2 parang di aspal sampai bunga api keluar , menuju ke ibu guru pu rumah :
pace gedor2 pintu baru teriak : IBU GURU!!!!
trada yang jawab, pace teriak lagi : IBU GURU!!!!!
satu kali ni pintu terbuka ternyata yang keluar ibu guru pu suami yang anggota tentara dengan baju lengkap, badan besar, kumis lebat. keluar baru tanya :
"ko cari sapa teriak-teriak??"
Pace kaget langsung alasan gerakan babat2 rumput trs bilang:
"ah trada bapa tentara..... sa cuma mau tanya saja, kerja bakti orang tua murid mulai jam berapa ka??"
No comments:
Post a Comment